【Viu】《CHILL CLUB推介榜 年度推介23/24》今晚喺亚博举行，一众歌手盛装亮相红地毡，不过最「胸猛」嘅并唔系一众女星，而系Tyson Yoshi，虽然佢自言操肌已经hea咗好多，但系两块「鸡排胸」依然睇到大家哗哗声，Serrini即笑言要做保镳「护花」，帮TY挡开ERROR，笑Cry呀！笑问TY系咪嚟踩「大表波」Stanley场，佢就笑笑口咁自抽喇！
至于Lolly Talk嘅阿蛋因为脚趾笃鱼蛋而负伤上阵，仲DIY靓靓拐杖现身，又爆队友温馨Carry自己嘅温馨举动。而洪嘉豪嘅西装搭配绿色须须，MC同Dear Jane即取笑嘉豪「条嘢好长」，认真鬼马！