【Viu】首夺「CHILL CLUB年度女歌手」嘅Serrini，笑言可能因为《渔乐无穷》而「钓」到女歌手奖，又建议Tyson拍下一辑，随时再有机会攞奖。Tyson即狂食花生咁反击Serrini今次好大镬，事关社交网站已经见到好多负评，仲搞gag话：「我撑陈蕾嘅！」至于Tyson代林家谦领奖时嘅寸爆言论，佢就话唔敢睇电话住，但唔惊畀家谦诈型，因为缺席嘅人要后果自负，系型嘅！
此外，台湾代表Shou娄峻硕同Jud陈泳希首次出席香港嘅颁奖礼，大赞气氛好High，Shou仲笑言一见到老友Tyson就叫佢著返好件衫，又笑Tyson搞到自己嘅容貌焦虑严重咗，所以6月个唱坚拒揾TY做嘉宾！