【Viu】《欧洲国家杯2024》将于下月14号正式开锣，人气女团COLLAR获邀为Now TV欧洲国家杯大使，仲大晒舞功拍摄宣传短片，Ivy同Gao又即席Encore《少林足球》嘅搞笑歌，高呼想拍星爷嘅《少林女足》呀！COLLAR分享睇波嘅麻甩行径，芯駖会嗌到拆天；Day就狂食嘢；Marf最近仲打埋《FIFA》，真系估你唔到呀！
讲到㖊晚嘅《CHILL CLUB推介榜 年度推介23/24》，COLLAR同英国创作歌手Griff合作超级兴奋，仲话同Griff拍咗Reels兼教广东话，期待呀！虽然Marf失落新人奖，佢坦言唔失望，赞Nancy实至名归，仲话好开心可以上台表演5次。至于Ivy So就讲返同日本歌手Who-ya集邮有几怕丑，想笑餐饱就睇足本访问喇！