【Viu】「修修」胡枫喺嚟紧星期六（18日）首次去澳门开骚，今日就同其中几位嘉宾彩排，包括有好友罗兰、张继聪、苏永康，一齐合唱《朋友》！期间张继聪突变「张三岁」，边唱边耍宝，又喺影合照环节教罗兰姐派心心，攞晒啲心肝脾肺肾肠出嚟，系咪想笑死人？
修修呢次以92岁之龄开骚系破咗亚洲纪录，佢扬言要破埋95岁开骚呢个健力士纪录，respect！上次修修开红馆骚有草蜢、黄子华临时上台，佢笑话呢次可能都会有特别嘉宾，而契仔张家辉呢次亦系on嘉宾list！
阿聪指今次获修修邀请做嘉宾超开心，因为见平时修修请得嘅都系天王巨星，今次有份上台，系事业踏入人生嘅另一阶段！讲到同修修嘅缘份，阿聪话曾合作拍电视剧、电影，喺修修身上学习养生、做人态度、性格等，更指对方系佢揸电单车嘅启蒙老师，甚至系救命恩人添！佢笑话今次上台唔会跳舞，惊喺「舞王修」前自取其辱！另外，阿聪透露正为新戏角色再操肌，贴心预告迟吓操成会随时随地除衫，咁痒眼咩？睇足本访问片小心笑到有腹肌！