【viu】「On仔」陈健安一连四场麦花臣骚㖊晚顺利完成头场，最后要二度encore先满足到全场嘅「族人」！讲到On仔喺唱完《好好挂住》后喷泪成分半钟，佢搞笑形容啲眼泪系失控直射出嚟，然后自己抹干射湿嘅地板，超搞笑，又解释指当时谂起一个好重要嘅人！
喺临开骚约3个月前，On仔嘅左脚前十字韧带因为踢波而断裂，经过90几日光速治疗，On仔话依家可以慢跑同跳绳，好彩唔使撑住拐杖上台！但对于踢波，佢坦言有少少阴影，不过见到足球都系会身痕，仲自爆有个小破戒添！
提到On仔喺个骚度夹埋全场族人，向唱片公司「施压」下站红馆，On仔自称好ready踩上红馆舞台，相信呢日始终会来临！另外，《造星V》其中6子分两个单位，ROVER（亨仔、希晋、Kim、Jason Loi）、KC就孖Tsoul组限定跳唱组合出道，身为「爸爸」嘅On仔就梗系好戥班「囝囝」开心，更谂好一个拉埋「妈妈」陈蕾玩嘅crossover计仔，想知就去片啦！