美团喺科技指数嘅比重会喺港股今日(1日)收市后，由6.9%升至8%，而ATJX比重都细咗。受消息带动，美团股价今日掉头回升，并愈升愈有，一度高见86.5元，冲上两个月高位，美团股价后市会点走？

大华继显执行董事梁伟源指，美团今日带动恒指向上，一般嚟讲，即使有季检调整消息，基金都会等到临近收市先加返比重，相信股价嘅升幅系嚟自「偷步」嘅短线炒盘，藉消息喺早段时间买起美团。睇返美团嘅技术走势，上次公布业绩后累积咗好大跌幅，一度跌至61元至62元，暂时嚟讲股价要上到90元以上阻力相当大，相信要见到业绩实际有改善，先有机会补到裂口。