【Viu】袁剑伟导演今晚率张继聪、白只、Edan、Anson Lo同Ray苏振维为《盗月者》谢票，凭「邮局条针」童童一角人气急升嘅Ray，首次现身谢票场，大受欢迎，仲送上最爱嘅恐龙贴纸畀现场观众，气氛High爆！
Edan同白只一入场扮孖宝兄弟派心；阿聪就温馨提示教主畀小编影相拍片，完全Feel到𠮶种爱呀！席间好多观众赞Ray演技好，演艺学院前辈阿聪同白只仲建议Ray「背叛剧场」，当观众要求众人演绎「童童」一角时，白只、Edan同教主都谦称好难媲美，阿聪就冇有怕照扮，仲笑言自己演「大贼」都系靠演技，事关自己私下都好娇嗲，仲即席晒「兰花手」，笑Cry呀！
大合照时，阿聪大叫希望票房直冲3千万，教主亦疯狂尖叫，最后仲全场大叫「全城追击八月十五」，Edan即扮听唔到，仲索性扮走，会唔会太cute呢？