【Viu】韩国「氧气美女」李英爱、日本男演员铃木亮平双双获《第十七届亚洲电影大奖》嘅「卓越亚洲电影人大奖」！李英爱后台受访指攞奖好开心，系送畀fans嘅礼物，更再透露更多筹备《大长今》续集嘅内幕！其后李英爱更获「最佳衣着」，再次后台登场时，听见全场传媒哼《大长今》主题曲，不禁甜笑咗下！
铃木亮平则大谈接演《城市猎人》嘅感受，自爆细个想演City Hunter而拍戏，到真正演𠮶阵都好紧张、有压力，又话因为系日本第一次翻拍城市猎人呢部作品，希望令日本人有觉得贴近漫画嘅感觉！至于有冇机会骚肌？就等铃木亮平亲自讲啦！
泰国男神Win获「亚洲飞跃演员大奖」，佢指作为第一位泰国演员攞呢个奖系深感荣幸，意义宁舍重大，承诺之后会努力带更多作品畀大家！见同场有好多出色好猛嘅亚洲电影人，但Win话暂时未有机会倾偈，留待after party认识各位！
「AFA新世代奖」得奖者为中国女星赵丽颖，喺后台受访指想挑战更多唔同嘅角色！另外，马提亚斯德尔甫凭《雪豹》夺「最佳摄影」，同颁奖人林明祯、柯炜林齐齐入后台，女神明祯笑话见到咁高大靓仔嘅摄影师，心肝都即刻卜卜跳，笑翻全场！
相关内容