【viu】郑裕玲、洪嘉豪今日喺西九出席「地球一小时」2024熄灯仪式，Do姐即场分享环保心得，除咗少用胶樽、食得清淡keep住fit爆身材之外，仲教大家短暂开冷气保持清凉感秘技，听到身旁嘅嘉豪笑晒口，真系要学嘢。
嘉豪将于4月中举行两场红馆演唱会，呢位「华纳舞王」已积极排练，Do姐虽然想睇，但因为早眠所以婉拒现身睇骚，嘉豪就话会谂谂为Do姐改rundown，提早跳番part舞，真系笑Cry。嘉豪嘅「王道」真系世界通行，对于陈蕾话想有生之年邀请一次佢喺演唱会上吹「啲打」，嘉豪坚决拒绝之余，又娓娓道出自己小学时已经系「啲打王」嘅原因，仲即场自封揸车「稳定王」，继院友之外，想亲自揸车送一次Do姐返屋企，真系好窝心。
另外，Do姐最近跟MIRROR做访问后，收到集齐12子签名嘅写真，开心到表明好想再跟每一位成员做独立访问，对镜粉嚟讲确系大喜讯。不过，Do姐最近亦遇到一样烦恼，想知系乜，就梗系要睇访问揾答案啦！