【Viu】台湾男神许光汉同日本女星清原果耶今日喺香港，为新片《青春18×2 通往有你的旅程》现身《第四十八届香港国际电影节》红地毡，吸引大批「许太太」疯狂尖叫撑「许老公」，超High呀！首次来港宣传嘅清原，自爆一到埗就食咗烧卖，又叫小编推介地道美食，Kawaii呢！光汉闻言即推荐菠萝油，仲话今次会喺香港留多几日，但避谈系咪嚟拍电影。
期间二人分享拍摄趣事，又互晒日文同台语，默契十足！光汉话最难忘系有一场戏要揸电单车载清原去夜巿，虽然揸得特别小心，但第一次坐电单车嘅清原都话有啲惊呀！既然咁啱Key，如果下次合作又想挑战咩片种呢？估唔到两位几心有灵犀㖞……想知就睇足本访问啦！