上篇专访讲到车保罗历尽人生低谷，在离开无线后的十多年间，除了本身在博爱与方舱消毒员的工作之外，其实断断续续也有一些演艺工作。当中包括外国著名IP《特务戆J之救国大业》，被提名台北电影节影帝的《老人与狗》，当然最重要便是改变一切的《无限超越班》。

2011年车保罗有份参加《特务戆J之救国大业》拍摄，能够有幸参加，很大程度有老友帮手，最紧要是他能够用英文拍摄。「我要多谢施介强，不嬲我哋两兄弟一肥一瘦，佢系写埋影评㗎嘛，咁有鬼佬嚟佢第一时间知，知呢第一时间话畀我知，咁我第一时间去in。𠮶时我喺博爱，嗱嗱临仆出去尖沙咀见个导演，咁导演系噉意望一望啫，你识讲英文吖嘛？识！系你喇，签约啦，casting都唔使。就要𠮶个好兜痞嘅CIA，因为𠮶时我着公司制服去呀嘛，即系个样呀，颓啲咁啦，咁就揾咗𠮶份工，又几好玩，所以有阵时讲唔埋，即系你嘅运到就系𠮶回事，唔好强求顺其自然。」

当然要讲讲当时的趣事，不过车保罗就说，完全没有！因为保安政策太严谨，而且「Mr.Bean」路云·雅坚逊太酷，没太多交流。「𠮶个保护政策好犀利，我一抆个电话出来，有个保镳埋嚟，收埋个电话，如果你再抆嘅电话出嚟呢我就收咗佢，我想影张相纪念，唔好讲太多嘢，收埋去。到戆豆再埋嚟啦咁𠮶个保安呢，鬼佬嚟嘅，佢再近啲𥄫住你，你会唔会又再抆呢？唔抆啦！唔玩啦呢个游戏，唔好玩，即系佢唔会同你有多余嘅对白，只系对戏，做戏，一完唔见咗，好快，快过我呀，我都未离开现场佢已经唔见咗，所以你话想听下啲趣闻，睇怕都冇乜趣闻。」

至于「Mr.Bean」本人，车保罗表示他很少说话，除了对戏之外基本上没有交流，他说：「好cool，系冇表情，佢唔识笑，净系acting。佢同你一齐就系为咗场戏点样做好佢，系咁多嘢啦！how are you today？我哋喺澳门拍手架嘛！澳门有咩好嘢食你知唔知？佢唔想同你倾任何嘢，纯粹就系对白交流，收工，系咁多啦！」

2019年车保罗凭《老人与狗》去到台北电影节角逐「最佳男主角」，又成功吸引大众目光，当时因为够「颓」，导演毫不犹豫便选用了他。「导演就可能佢cash咗几个演员，因为佢个budget好细，钱就冇㗎啦！系咁上下，五日。我话咩叫微电影，我根本唔知咩叫微电影，杜老板赞助，然后大家做啲嘢，可能你明天会有好处，我话好呀！」正正是这种「乜都试吓」的心态，车保罗成功获得台北电影节认同，他更笑说顺便可以到台湾玩返几日。

到最后，当然要讲《无限超越班》，短短三日拍摄将车保罗的演艺事业重新弹起，他最感谢找他参与拍摄的吴彤。「真系好多谢呀吴彤监制，如果佢唔畀𠮶次机会我，今时今日，我谂我仲系喺放舱医院，做紧正常嘅嘢，因为𠮶次出嚟嘅效果，大家觉得原因车保罗OK架㖞，佢系做到嘢㗎㖞，咁咪开始多嘢做啦！」

当然，有人推荐亦都要天时地利人和，当初返内地仍然要隔离，节目组难以找人，车保罗成功把握机会。「因为小春唔去，皇上（马浚伟）唔去，你去亲要隔离，去要隔离，番嚟又要隔离，咁变咗就系佢两个唔去，咁人哋个监制就问咁仲有边个？胖头陀，边个系胖头陀？唔识架，佢即刻整条片畀个监制睇，呢个咪车保罗？好好好。咁就按照呢个人过咗嚟，揾乜嘢去配合佢，然后整番个叫做Q版嘅《倚天屠龙记》，咁就系我同埋𠮶四个姨太排做一场戏，几好玩，又学咗嘢。」

除了朋友的帮助，车保罗在这十多年间，还有一个不能缺少的人，便是现任妻子。讲起当初突然想再娶的原因，竟然来自一场肚痛。「有一晚，我一个人喺屋企，突然间肚疴，因此𠮶阵时我住嘅屋呢个toilet唔喺房里面，个toilet喺出面，元朗以前嘅村屋都系咁。好啦！入到去运功，冇厕纸，呢度啲汗标晒，冇厕纸出唔到去，出唔到去你又攞唔到药食呢？如果依家有个女人喺度几好，同埋要乜有乜。就系𠮶一下，我就有呢个概念，想揾个老伴，终于拣咗佢，冇拣错！」

要找个老伴过下半生，可以有很多选择，但车保罗选择了每星期才到他家执屋一次的女佣，全因相中她一个性格。「当初我识佢呢咁嘅，佢系我一个part time嘅女佣，系每个礼拜日先嚟架啫，帮我执吓屋！𠮶阵时我喺大陆做紧嘢，就系香格里拉酒店，深圳，当年啱啱开。咁当年嘅动作好怪，我返嚟啲钱全部放晒喺枱面，就唔执嘅。咁佢每次嚟就同我将啲钱执好佢，企理妥当，我觉得呢个女人都唔错吖，起码啲钱唔知有冇唔见啦，但总之只会见愈嚟愈厚啲钱。」