【Viu】MIRROR今日继续为《12怪盗》谢票，率先有「大表姜」孖咇放笑弹，仲获全场Fans大叫口号恭喜新片票房已经冲破1200万，开心仔！当Fans问到如果开续集，两位想同边位做拍档同偷乜嘢时？大表姜希望续集继续「打风都打唔甩」，姜涛仲施冧功话：「偷大家嘅心！」又献计畀Stanley讲：「偷偷喜欢你！」其后佢哋又分享现实中会用咩技能去等价交换角色嘅技能？姜涛即笑言要用「一食就肥」嘅技能去换催眠技能，喂呀！估唔到晨早起身嘅大表姜依然风趣！
最后Stanley同姜涛都为Jeremy被指嬲猪一事平反，澄清米米只系紧张大家嘅安全，Stanley仲笑言喺麻雀枱就会见到Jeremy嘅真脾气喇，啱呀！正所谓牌品好即系人品好呀嘛！