【Viu】《12怪盗》谢票今日嚟到沙田站，有「华安」Edan同Dee哥合体！今日系愚人节，Edan总会谂到计仔氹大家开心，佢哋化身「吕保安」同「华保安」，戴晒cap帽、黑衫黑裤混入保安群中出场，差啲连小编都呃埋，劲呀！唔止呀，原来两位保安喺出现戏院前，已经为另一场谢票成员Jer做真‧保安护航，一路上啲镜粉都冇发现，系劲上加劲！
Edan今日推出新歌《油麻地莎士比亚》，Dee哥最近又帮193新歌执导，两人互相帮对方宣传，真系兄弟世一！有fans问MIRROR X ERROR 16子如果拍续集，咁ERROR应该有咩技能？Edan话Dee应该同Ian一样「大脑担当」，做一啲策划性角色，保锜就疯狂跑步，Dee就话肥仔技能系食晒啲厨余，笑cry呀，但193因一事唔畀出现咁阴功猪，想知就要睇访问片嘞。