【Viu】MIRROR为《12怪盗》谢票，Lokman 同Jer嚟到荃湾站，佢哋有好消息宣布，票房已冲破1500万！现场镜粉即期望开拍续集，仲想12子一齐露腹肌，咁有睇头得唔得架？比入行前做记者时「大只」咗好多嘅Jer即落闸，话要视乎剧情。
今日系谢票last day，Lokman话好唔舍得，同Jer一齐分享拍摄时候嘅得著同难忘事，感激幕后动作演员嘅辛劳，仲爆12子闹交场戏，Jer话围读时已火药味十足，未见过Lokman 情绪大爆发，更一度拉唔开Edan同Stanley，并自爆自己为一个镜头NG14次！对于今日多咗两位新晋「实Q」傍实，Jer话自己好被动，想睇更多分享记得睇片。