【Viu】ViuTV新剧《玛嘉烈与大卫系列 丝丝》正在热播中，贴地剧情掀起新一轮嘅追剧热潮！剧中角色陆续登场，「三人行」Phoebus@P1X3L、「小野」卢镇业、Buber麦咏楠之间嘅火辣亲热戏，相信睇到大家㷫烚烚！
原来小野、Buber私下为争夺Phoebus嘅萤幕初吻，都引发连场激战，火药味甚浓！唔知呢吻到最后「鹿死谁手」？当事人Phoebus对同日激咀两轮，享尽男、女之福又有咩感觉？再三强调系100%直男嘅Phoebus，坦言今次接拍后内心抑压咗好耐，但难得有机会冲破自己嘅心理关口就勇于挑战！
同样感到挑战嘅仲有小野，首次演同性恋者，佢话好难拿捏情感！至于要同Phoebus埋身肉搏嘅Buber，笑嘲自己拍𠮶阵硬晒軚，又剧透因为场口要跳舞，就即席向《造星II》冠军Phoebus拜师，点知被对方取笑？今次3位喺亲热戏上简直系豁咗出去，为发掘佢哋有更多嘅可能性，试就「湿吻」、「床戏」、「露股冲凉」三个情节，佢哋又会点排序呢？小心睇片笑到有腹肌呀！