【A&M Diary】虽然我哋唔系从事建筑，但其实每个人都隐藏住地盘佬嘅细胞。所谓嘅地盘佬其实即系麻甩性格，约埋成班朋友一齐大吃大喝，咁至系地道港仔。今日就嚟到元朗百味轩，同班兄弟食吓小炒打冷，饮吓啤酒，聚旧就系咁简单。
姜葱霸王鸡
霸王鸡上铺满大量姜葱，令鸡肉加添姜同葱嘅香味，充满层次。至于鸡肉肉质嫩滑，肥瘦度啱啱好。
百味轩小炒王
去亲大排档，唔知点解都好自然叫小炒王。小炒王以韮菜花做主打，加上虾干、鱿鱼、腰果等配料，味道咸香十足，送啤酒一流。
蚝饼
百味轩嘅蚝饼相信系佢哋嘅主打，蚝饼非常松化，蚝仔份量唔少，粒粒饱满，充满口感。
白饭鱼煎蛋
儿时最钟意嘅𩠌菜之一！白饭鱼嘅咸鲜味，真系可以添饭呀。
