【Viu】娱乐圈又有喜事啦！Ray钟健威同黄美棋拉埋天窗，喺西贡五星级酒店举行婚礼，筵开35席宴请亲朋好友，分享新婚喜悦！Ray拖住老婆仔喺欢呼声之下登场，美棋BB一身中门大开、晒「汤碗胸」兼白滑美背嘅婚纱索到核爆！同老公仔Ray化身「接吻鱼」咀足成分钟，呢个闪光弹震撼到呢！
一对新人继续恩爱拖实受访，讲到美棋BB喺大日子大解放，佢搞笑话唔系有心，更话想挑战极限换足8套靓衫添！Ray大方笑话老婆靓就得，赞呢个系美棋BB嘅塑身成果，畀足101分添！
自认感性嘅美棋BB，话喊咗好多次，但每次喊都系幸福嘅眼泪，感恩拣到个好老公，呢句劲甜！Ray就话自己冇咁眼浅，又讲到今朝被美棋BB考验，即场弹结他讲爱的宣言！至于生B大计，佢哋笑话本身想追个龙B，但发现太急，决定顺期自然，两个就够晒数！
「星级」兄弟姊妹当中嘅Paula黄芳雯、Rikko李霭玑、卢颂恩、林淑敏，开心share呢日最感动嘅moment！最后更约定明年今日饮Ray、美棋BB嘅小朋友满月酒添！即刻去片见证钟生、钟太签纸，仲有爆喊讲爱的宣言嘅时刻！