【A&M Diary】一间会令人食过返寻味嘅车仔面，重点一定系佢嘅秘制辣酱！位于尖沙咀嘅天下无双，店家嘅辣酱够晒惹味，绝对唔会令你失望。另外，车仔面嘅份量十足，系有心经营嘅选择。下次去尖沙咀留港消费，不如就去食碗地道嘅车仔面啦！
无双鱿鱼
鱿鱼被冠以店名：无双，理所当然系店家嘅招牌啦！无双鱿鱼份量十足，口感弹牙，而且非常入味，系啱晒大家share嘅小食啦！
藤椒鱼皮
如果食得辣，私心推介呢碟藤椒鱼皮。辣度一开始以为唔算强烈，但后劲嘅麻痺感唔简单，加上鱼皮爽滑弹牙，越食越惹味。
八宝面餐
车仔面嘅𩠌样样都想食，但又想经济实惠，咁最啱就系叫八宝面餐，仲可以帮助一众选择困难症嘅患者呢！八宝当中嘅猪腩肉、小花菇、猪皮同萝卜，真系好正，全部都吸收晒酱汁嘅味道，够晒入味；至于八宝又点少得经典嘅陈皮鱼蛋同鸡翼尖呢，陈皮鱼蛋弹牙又有鱼味，而鸡翼尖煮得够腍够入味呢！
猪八戒面餐
食车仔面梗有一个同猪有仇！猪大肠、猪耳、猪腩肉、猪皮、猪红…无论里里外外都系猪，亦系车仔面最受欢迎嘅食材！猪腩肉用上五花腩，肉同脂肪比恰到好处；猪耳条条爽口弹牙；至于猪大肠肥美得嚟又唔会太大旧，口感一流
