【A&M Diary】喺英国行得最多一定系超级市场，可以买到生活所需，系移民英国或者打算嚟英国生活嘅朋友必睇嘅攻略。我哋就为大家整理咗以下10大英国超级市场品牌特色，同边间英国超级市场有多啲香港或亚洲嘢卖，从价位、特色、会员计划，甚至礼品卡等至平英国超级市场购物攻略。
英国低价超市2024：Lidl、ALDI
英国平价超市2024 ：ASDA、Sainsbury’s、Tesco
英国中价超市2024：Marks & Spencer Food、Morrisons、Co-Op
英国高价超市2024 ：Waitrose
英国冷冻超市2024 ：Iceland
英国超市比较2024 | 10大英国超市推荐1：Lidl (英国低价超市)
英国超市比较2024 | 10大英国超市推荐 | Lidl系嚟自德国嘅超低价英国超级市场品牌，喺英国有超过800间分店，完全打正低价旗号！广告强调喺Lidl同其他英国超级市场买一篮子同种类产品，Lidl系平成20%。不过Lidl卖嘅产品多数都系自家品牌，比较难揾到大牌子嘅产品。另外，Lidl嘅蔬果种类非常齐全，而且都好新鲜。不过Lidl店铺比较挤迫同混乱，好多货品都系喺纸箱入边，家品部完全系杂架摊，所以我哋都好少去Lidl。
特色：以低价为招徕
会员计划：精明嘅你当然要申请埋Lidl Plus会员，逢星期四都会有新优惠券，只需要每个月达到指定消费金额，就会有免费面包或现金券，真系好抵！
英国超市比较2024 | 10大英国超市推荐2：ALDI (英国低价超市)
英国超市比较2024 | 10大英国超市推荐 | ALDI同样系来自德国嘅超低价英国超级市场品牌，喺英国拥有900几间分店。佢同Lidl好相似，大部份嘅货品都系自家品牌，比其他英国超级市场平。每星期仲有六款新鲜食品特价，质素都好好。不过ALDI嘅店舖比Lidl整齐同干净，所以我哋比较钟意ALDI。
特色：以低价为招徕
会员计划：无
英国超市比较2024 | 10大英国超市推荐3：ASDA (英国平价超市)
英国超市比较2024 | 10大英国超市推荐 | ASDA系Walmart旗下嘅英国超级市场品牌，喺英国有超过600间分店，多数分店都系偏离市区嘅地方。不过ASDA嘅货物齐全，大型Superstore 24小时营业（星期六、日除外），设有眼镜舖、药房、户外家私部、就连大型电视都有得卖。ASDA有唔少嘅亚洲食品选择，有欧洲版出前一丁、韩国辛拉面、李锦记酱汁等。最吸引嘅系价格比Tesco和Sainsbury’s平，绝对适合一次过去大量采购！
特色：价钱平，不过分店唔多，多数都系偏离市区嘅地方先有分店
会员计划：大家一定要做埋ASDA Rewards会员，每次买嘢都可以完成唔同嘅任务，可赚取奖赏同优惠券，买精选产品仲有额外优惠添！
英国超市比较2024 | 10大英国超市推荐4：Sainsbury’s (英国平价超市)
英国超市比较2024 | 10大英国超市推荐 | Sainsbury’s系英国第二大嘅超级市场，有超过1400间分店，去亲边度，都总会见到一间Sainsbury’s或者Sainsbury’s Local。店舖干净企理，价钱较Waitrose同M&S Food平，属于平价英国超级市场。Sainsbury’s仲设有熟食摊档同面包舖，而Sainsbury‘S Local都系比较细，提供生活必需品同基本蔬果食材。最正嘅系Sainsbury’s有唔少嘅亚洲食品选择，有欧洲版出前一丁、韩国辛拉面、李锦记酱汁等。
特色：分店遍布英国，设有亚洲食品World Food专区
会员计划：Sainsbury’s超级市场嘅会员计划叫做Nectar，类似香港嘅易赏钱，除咗系Sainsbury所以储分之外，仲可以喺Argos、eBay、Esso、Nectar Hotels同其他合作伙伴储分，积分可以换领优惠同产品。佢仲会根据你购买嘅货品，送你专属嘅优惠券同Sainsbury’s SmartShop限定嘅My Nectar Prices优惠！
英国超市比较2024 | 10大英国超市推荐5：Tesco (英国平价超市 )
英国超市比较2024 | 10大英国超市推荐 | Tesco系英国最大嘅超市品牌，英国有3000几间分店，真系总有一间系你左近。Tesco嘅价钱同Sainsbury’s差唔多，货品选择种类都几多。Tesco Extra规模最大，商品最齐的，除咗一般超级市场物品之外，仲有电器、衣服、文具生活用品等，仲要系24小时营业（星期六、日除外）。而Tesco Superstore就比Tesco Extra细啲，不过选择都仍然好多，只系非食品嘅选择会比Tesco Extra少。至于，Tesco Express店舖较细，类似便利店，提供基本生活用品同蔬果食材。
特色：分店最多，总有一间系你附近
会员计划：Tesco Clubcard会员系一定要申请，因为店舖有大量会员专享优惠，而且每次购物都可以储分，换现金券。
