【Viu】詹瑞文一共6场嘅单拖喜剧《即兴之王》，㖊晚喺新蒲岗东蒲胡李名静体育馆正式开锣。詹Sir每一幕都会化身唔同人物，包括「Lucking哥」、「Cheap GDD」、「关义工」、「Moment 姐」、「Lucky」、「巨星 Jack」同埋「Joker」。佢将呢啲人物嘅「即兴精神」发挥到舞台上，令呢个概念被解释成唔同意义，例如「即兴系提醒自己要快乐」、「即兴系突破盲肠」、「即兴系拒绝墨守成规」、「即兴系勇气」等等，以致故事出现扭转，分裂出令人意想不到嘅平行世界。最后道出「即兴」嘅真正含义系「活在当下」，需要启动「即兴」嘅方法系揾返「童真」，向艰难生活重夺行使快乐嘅权利。
詹Sir今次阔别8年重回舞台，吸引大批艺人朋友到场支持，包括张衞健、陈炜及老公陈医生、姚子羚、何超仪及老公陈子聪、江若琳及老公Oscar同埋廿四味成员Phat等等。讲明系「即兴之王」，詹Sir本住「即兴之道，想做就做」原则，当然好多嘢都系即兴，詹Sir即兴同观众互动，咁啱陈炜同老公陈医生、江若琳同老公Oscar，仲有廿四味嘅Phat都分别俾詹Sir抽中上台互动，各人都玩得投入，台下观众亦睇得开心！