【viu】刘松仁、王梓轩今日出席音乐剧《利玛窦》三度公演记者会，担任艺术总监嘅松哥，花五年时间创作及筹备，佢自称系打杂，台上众演员分享与松哥合作点滴，当中梓轩透露十年前跟松哥拍剧，因为自己有一场戏演得唔好，获汪阿姐召唤松哥入厂教演戏；另一演员分享一次脚伤，获全无架子嘅松哥帮忙按脚14日，真系超有爱，即场获颁「利玛窦精神奖」。
曾传中风嘅刘松仁，今日精神好好，而且风趣幽默，佢话好钟意同成班年轻人合作，可以吸多啲「阳气」！对于曾有不实报道话松哥「死咗」，佢大方话冇嬲，但依家年纪大会更加注意健康，做运动、多休息，仲跟梓轩嘅饮食餐单keep好身体；相识多年嘅神父同旧情人李影相继离世，亦令松哥看化好多。嚟紧《利玛窦》计划巡回演出，梓轩话会帮忙劝松哥复出幕前客串，仲爆与松哥有个3年之约计划一齐推出CD，咁多丰富内容快啲click入睇片。