【Now.com】「红衫鱼」苏韵姿今（9日）天中午在个人社交平台发布参选港姐时的申请照片，配上千字文正式宣布完约无线，表示准备跳出舒适圈迎接新挑战。文中苏韵姿更一一向公司高层道谢，当中包括被指下令「雪藏」她的曾励珍（珍姐）。

苏韵姿今（9日）天在个人社交平台正式宣布离开已效力8年的无线电视，指自己在8年间成长许多，亦幸运遇到很多爱锡她嘅人，而现在是时候要跳出舒适圈，接受新挑战。苏韵姿又在文中续一多谢公司高层，包括曾励珍（珍姐）、乐易玲（乐小姐）、曾志伟，和一众曾合作的导演监制。

其中致谢文以被指下令「雪藏」苏韵姿的珍姐为首，去年有传苏韵姿因态度差及迟到问题，得罪珍姐因而被「雪」，更失落继续参演《爱·回家》剧集的机会。苏韵姿未有在文中提起事件，反而感谢珍姐给予她出演熊心如一角的机会，让她「入屋」，亦多了不同的工作机会，写道：「我会好好紧记你教我嘅一切。」

致谢文的尾段，苏韵姿多谢「熊家人」，表示自己只身回港加入娱乐圈，在香港没有家人陪伴，幸得「熊家人」让她有家的感觉，称自己会记住与台前幕后一起渡过的美好时光。

苏韵姿在2016年参加香港小姐竞选，以殿军身份入行，翌年便因饰演处境剧集《爱·回家之开心速递》熊家三女儿熊心如（红衫鱼）一角而为人熟悉，其后亦因此角色获得多次「万千星辉颁奖典礼」最佳女配角及飞跃进步女艺员奖项提名。

苏韵姿贴文全文：
依家系时候要跳出自己嘅舒适圈，接受新嘅挑战啦。

不经不觉嚟咗香港八年，我已经成长咗好多，学到好多嘢。喺呢一度遇到好多锡我嘅人，实在系好幸运。

首先要多谢珍姐，喺我一个人嚟到香港嘅时候，俾机会我演熊心如，令到我喺香港都可以有一个家。亦都令到多左人认识我、有不同嘅工作，学到好多中文。多谢您咁多年嘅教导栽培。我会好好紧记你教我嘅一切。

多谢乐小姐，由选美到入行，一路都好照顾住我，教我点样做好一个艺人。仲有Management嘅同事，多谢你哋一直嘅照顾及帮忙，我会加倍努力！

多谢志伟哥！ 你嘅指导，加上鼓励，令到我发现自己可以有好多可能性。我会keep 住你俾我嘅正能量。

多谢监制祥哥！喺拍摄爱回家呢几年嘅鼓励、你对拍戏嘅热情、创作力，有直启发我，真系好荣幸能够同你合作！

多谢监制佳导，俾个好好嘅机会我参与黑色月光，令到我见识多咗，学咗好多嘢，非常期待套剧播出！

仲有好多谢俾机会我嘅综艺监制们，我知道自己嘅经验少，所以感激你哋信任，俾我去尝试不同嘅工作！

多谢熊家人，冇家人喺香港嘅我，感恩有你哋就有家嘅感觉。

最后要多谢关心同锡我嘅台前幕后朋友仔！等紧埋位，或者收工嘅时候都会同大家一齐倾偈。我会记住一齐渡过过嘅美好时光！

相信喺未来大家一定能够再遇到，亦都想藉呢个机会衷心祝福所有朋友，能够在自己嘅舞台上发光发亮。