【Viu】P1X3L x 5G完骚直落受访，先讲到P1X3L喺骚入面宣布5.31开九展骚呢个好消息，三子兴奋话终于成事，等开骚等到颈都长，单位以「年」去计算！佢哋透露已经排好晒rundown，完麦花臣骚后就开行turbo彩排，有冇嘉宾？三子大卖关子！但近日所属嘅环球唱片宣传部「大地震」，佢哋话冇影响九展骚宣传，对新同事有信心！
提起Andy黎展峰上台做嘉宾玩游戏，最后仲向George献吻，佐治抵死笑话好彩避得快，争少少就锡嘴仔！男男锡呢方面，可以请教Phoebus呢位「前辈」㖞！Phoebus话有睇自己喺新剧《玛嘉烈与大卫系列 丝丝》同小野锡锡𠮶part，有咩感受？满唔满意？P1X3L仲开声话之后唔介意拍BL剧添！咁咪变三角恋？Marco BB会拣边位做情人？
5G继续keep住个hyper mode，对处女麦花臣演出嗌「收货」，Sica更自评7分！WinWin爆完咗solo部分一落台就呕，跟手仲唔觉意做咗一个动作，听到啲队友O晒嘴！Ash、Yoyo、Alice同Sica不约而同话瘦咗好多，其中Sica自爆最先瘦喺个胸度，足足冇咗半个cup呀阴功！讲起师傅保锜笑佢P图P咗对「鬼影变幻球」出嚟，Sica大方自首有垫嘢！仲有咩爆笑内幕？使唔使用「还原靓靓拳」恢复？Ash、Yoyo骚前失声？5G之后继续出团歌？佢哋又会唔会自荐做P1X3L九展骚嘉宾？去足本访问片啦！