【viu】泰国男神Win Metawin 最近密密嚟香港揾银，佢今日又喺铜锣湾出席品牌活动，快闪香港一日就走，佢话好钟意嚟香港玩同食嘢，尤其烧味饭，如果介绍朋友嚟打咭，会推荐主题乐园，可惜呢几次嚟都冇机会去，对上一次去玩已经系成十年前啦！
同场仲有闺密姊妹花Jennifer 余香凝同Fish廖子妤，佢两个分别喺今届金像奖入围影后同女配，Jennifer已经准备好战衣，但唔会因此节食，听日仲要约Fish补食生日饭添！Fish呢两日要fitting，笑言唔只会露新纹身小狐狸，更加系咩都露！Fish有份主演ViuTV电视剧《玛嘉烈与大卫系列 丝丝》今晚大结局，佢话好唔舍得玛嘉烈呢个角色，大结局感觉好似二次煞科咁！早几日播咗佢男友小野同Phoebus场男男吻戏，Fish话见到识嘅人拍亲热戏都会特别著紧，不过唔关事系咪小野，而佢就嫌场戏唔够激喇，想知多啲睇足本访问啦！