【viu】金马影帝吴慷仁嘅演技无庸置疑，最近佢喺祝紫嫣自编自导自演嘅新片《但愿人长久》中，再度挑战自己，饰演带住太太同两个女嚟香港生活嘅林觉民，由中年演到老年，仲要疯狂减磅配合道友身份，Respect呀！慷仁哥坦言接拍《但》片系冥冥中自有安排，适逢当时自己父亲离世，令佢对剧本中嘅父女情相当有共鸣，仲为咗演活巿井角色，踢拖夜访深水埗同公园阿伯一齐食烟捉棋，了解老人家嘅生活习惯，笑言当时应该行路行到有「香港脚」；祝导都对慷仁哥塑造角色嘅心力致以无限敬意，仲一度认唔出佢系吴慷仁添呀！吴慷仁同祝导为《但愿人长久》落咗无数苦功，最希望观众睇完后可以「有嘢袋走」，想知道佢哋透过电影传达乜嘢讯息，一定要mark实Viu1专访喇！