【viu】一连两场《洪嘉豪Kaho Live 2024》今晚开锣，当中Kaho以Black Pink配色look，蛊惑露腰大晒「华纳舞王」英姿跳唱《 明星示范生Superstar》，期间不时举手偷骚腹肌，劲鬼马！唱到出道作《半天空档》，院长秒换眼镜look，加送一吓单眼电晕院友！唱至尾段仲拎住个电话，走到台边同院友零距离自拍，劲宠粉！
是夜嘉宾请嚟「细妹」Marf@COLLAR，其实Marf一早以Dancer身份现身台上，当佢开声同「哥哥」Kaho合唱《那年盛夏我们绽放如花》嘅主题曲《仍有心跳脉膊》时，全场惊喜尖叫，呢pair兄妹把声超夹，之后Marf再solo唱《fOoL##》，好正！
《黑玻璃》FL5前奏一响，见Kaho连同最爱嘅FL5一齐升上台，开红馆骚都预埋爱车份，系有啲料到！而今晚嚟睇骚嘅嘉宾有Lolly Talk、Jeffrey、强尼、练美娟、Yanny、J哥@小薯茄、肥蚊@小薯茄、钟雪莹等，齐齐现身撑爆院长！即刻去片睇院长首个、首晚红馆骚实况！