【Viu】Gigi梁咏琪㖊晚喺台北小巨蛋举行《时间遇上我们》演唱会，除咗老公Sergio、囡囡Sofia专程飞到台湾打气，Gigi几位好闺蜜杨采妮、李心洁、许茹芸，同埋台湾艺人徐若瑄、温升豪、杨千霈等等都有捧场，一齐见证感动时刻。
完梦登蛋，Gigi特别为歌迷设计台北场独一无二嘅专属「全国语」歌单，献唱超过30首国语金曲，包括国语版《花火》 、《Spaghetti》、《胆小鬼》、《新鲜》，以及7首较少公开唱嘅歌，当然唔少得令佢喺台湾歌唱事业发光嘅《短发》啦。
Gigi嘅国语金曲又点止咁少？佢喺台上表示已经将台北嘅歌单，变成全百份百国语歌，但好多歌仲系唱唔到。为咗满足歌迷，Gigi突然宣布好消息，透露今年七月加码，正当大家以为佢讲紧笑，佢即刻话：「我说真的，场地都已经订了，我要欢迎大家七月份来我的梁咏琪side track演唱会。」Gigi今次攻蛋超宠粉，台湾歌迷有耳福呀！