【Viu】现年76岁嘅姜大卫（John哥）凭《白日之下》勇夺「最佳男配角」，佢喺后台受访时话：「成日话冇所谓，其实有所谓，有50几年冇拎过奖，好开心！」John哥坦言看过其他对手嘅演出，估唔到自己会得奖，感激遇上《白》片，「我一世人只做过电影，我会继续做，唔会退休！」John哥又亲解爱妻李琳琳因听力下降要戴助听器，仲搞笑话：「所以佢唔戴时我可以闹佢！（会唔会合作拍戏？）边个睇呀？成150岁！各有各拍啦！」
至于「最佳女配角」由《白日之下》嘅Rachel梁雍婷夺得，佢忆述演员路嘅艰辛，仲一度哽咽话：「woo！梦想实现！」讲到喺台上多谢恩师廖启智，Rachel直言智叔教识自己点样成为好演员，而且好锡每一个学生，提醒自己成为一个好演员，每次演出都要问心无愧。
此外，「最佳新演员」就落入《但愿人长久》嘅谢咏欣手上，佢大赞吴慷仁系最好嘅爸爸，希望之后挑战有怪癖嘅角色。而「新晋导演」卓亦谦想用10万现金奖请Crew食饭，同埋请太太去旅行。
相关内容