【Viu】谢咏欣凭《但愿人长久》喺「第四十二届香港电影金像奖」再下一城，攞第三个最佳新演员奖，恭喜晒！颁奖礼后随《但愿人长久》团队直落庆功，跟导演祝紫嫣、「爸爸」吴慷仁、Natalie许恩怡等切蛋糕、开香槟庆祝，场面热闹！
出炉最佳新演员谢咏欣话攞奖好开心，加上可以同团队聚埋一齐温馨又幸福！又冧爆话吴慷仁系最好嘅「爸爸」，仲踢爆妈咪偷落order：「佢话如果你真系有机会攞奖，你唔使多谢你自己爸爸，你多谢吴慷仁爸爸就得！」搞到吴慷仁笑到弯晒腰，而佢就笑「囡囡」太入戏，多谢佢𠮶阵讲咗佢戏入面个名「林觉民」，不过当吴慷仁听到谢咏欣讲「I Love You」𠮶阵，即刻红都面晒：「唔需要多谢我，系佢自己嘅努力！」又大赞「囡囡」好有天份，更指谢咏欣入戏后有影后张曼玉嘅气质添！相信听到呢个赞赏同攞奖一样咁开心！唔知呢两「父女」之后想挑战咩角色呢？
另外，吴慷仁失落「最佳男配角」，佢话一啲都冇唔开心，因为一早有预感唔会攞奖，能够入围已经好开心！佢直言姜大卫系实至名归，更获对方鼓励！而事前吴慷仁话最想揾谢君豪集邮，谢君豪隔空听到呢件事，专登带埋私伙相机，究竟有冇事成呢？嚟紧《但愿人长久》嘅谢票安排又会系点？睇片咪知啰！