【Viu】李龙基未婚妻Chris王青霞今年2月因为涉逾期居留、使用虚假文书等6项控罪，还押大榄惩教所等候审讯，今日到沙田裁判法院应讯，李龙基喺早上9点10分到场听审，虽然神情自若，但其实基哥只系瞓咗两粒钟咋，难怪佢喺庭上不时闭目养神兼捽眉心，似乎好头痛咁！
席间律师表示因为王青霞被新增第七项控罪，指控佢违返逗留条件从事雇佣工作，所以要求更多时间准备，要求将案件押后再审，法官听从律师建议，将案件押后至5月28日9时半再审，被告仍需继续还押。期间基哥全程望实Chris以示鼓励，Chris闻讯后即回望基哥。
基哥离开法院时表示刻意著紫色衫，方便Chris望到自己，感受到自己嘅支持，讲讲吓仲拎纸巾抹眼泪，仲对灯火发誓讲「爱的宣言」，想知基哥有咩讲？睇足本访问就知啦！