【Viu】「教主」卢瀚霆（Anson Lo）出晒名勤力，早前喺MIRROR完成英国站巡唱后，即刻转飞巴黎拍摄新歌《深闺》MV，靓人靓景搭配甜到漏嘅歌词，无限Loop是常识吧！
教主表示《深闺》系目前最钟意嘅慢歌，Wyman嘅歌词仲讲中晒自己嘅拍拖心态，佢话：「其中一句歌词系『拒绝再做凡间千人迷』，好Relate到自己，同埋佢令我思考到，如果有一日我真系拍拖，系咪要放下自己工作上嘅Anson Lo？系一首好Personal嘅慢歌，所以我喺录音室唱嘅时候系有唱到喊。」
「巨蟹捞」仲坦承拍拖后会变住家男：「放工即刻返屋企，然后喺屋企食饭睇戏，瞓觉揽埋一齐；假期都未必出街，两口子一齐煮吓嘢食、饮杯咖啡，就已经好好。因为如果我钟意一个人，都好想24小时黐住佢，做乜都OK。」咦？唔知到时会唔会煮教主名菜「煎冬瓜」呢？（讲笑）
想知教主最钟意MV边个场口？喺巴黎发生咗咩趣事？买咗几多嘢？睇足本访问就知啦！