【Viu】经过近三星期嘅美加巡回演唱会，12子今朝终于返到香港喇！Lokman同Alton率先出闸，分享喺旅程中嘅难忘事，仲话重访LA勾起当年《全民造星》十强集训嘅回忆添呀！紧接现身嘅系「死神CP」姜涛同Ian，「姜家人」仲把握机会祝偶像生日快乐；姜Admin坦言最难忘系睇NBA，仲话睇几多场都唔够喉；Ian就亲解大表哥结婚之谜，「头号波波」姜涛都话会大方送祝福，笑Cry呀！
其后Jer同Frankie齐齐现身，佢哋都话最挂住香港美食，皮师傅仲大赞「全勤舞王」Jer嘅舞功就快追得上自己。而坐完长途机嘅AK同Tiger都有同Fans挥手示好。
「搞笑孖宝」Stanley同Edan继续互Mean，Edan自认「黑气石」缠身，黑到好多心水NBA球星冇得落场；Stanley就回应返「婚讯」，仲即席拣伴郎添，系咪好想知边位被点灯呢？
最后登场嘅Anson Lo同Jeremy就畅谈差啲冇底裤著嘅爆笑情景，教主仲话全靠米米借底裤咁话！想知MIRROR美加之旅有咩趣事，记得睇足本访问喇！