【A&M Diary】贵唔紧要，最紧要系值得！位于九龙城嘅方荣记沙嗲牛肉专家系香港沙嗲牛肉面关注组其中一间被网友大力推荐嘅餐厅，但我哋试过之后，觉得实在系过分吹捧，CP值唔高，确实唔值呢个价钱。
服务态度
一入到餐厅，櫈都未坐，餐牌都未睇，个女店员就即刻问我哋食乜，眼见成间餐厅都坐唔够一半，使唔使咁chur呀？好彩有另一个男店员同个女店员讲，俾啲时间人哋啦！再好有礼貌咁同我哋讲，慢慢睇吓想食乜。
沙嗲牛肉面
无可否认，𠮶沙嗲汤底确实系浓郁，仲有好多花生碎添，但其实系非常之咸，超多味精，真系完全唔可以饮个汤。至于手切牛肉份量少，得4块，而且非常硬，另外，因为沙嗲汤太咸，完全食唔到有牛味。
