现年42岁的张颕康初出道有「刘德华契仔」之称，刘德华以身教教识张颕康洁身自爱，「我谂我今时今日都冇乜绯闻，除咗多谢老婆对我好好之外，仲要多谢华哥，因为佢教识我唔好乱搞男女关系。」
拍摄录制：麦超亿
场地：天穴ANA TEN
张颕康。（资料图片）
武术指导黄明升介绍入行 一切要从张颕康遇上武术指导伯乐黄明升说起。当年刘德华公司开经理人部门，黄明升找到张颕康，问他是否有兴趣加入。张颕康原打算考警察，但中六时他已希望自食其力，见过报刊及文员多个职位，均被拒绝，刚好复活节假遇上黄明升，「我咪话：『好呀，试吓啰，睇吓有冇钱啫！』唔知点样试咗又Ok㖞。」有黄明升推荐，张颕康顺利地加入了刘德华公司，「我著住校服去签约，间公司喺鲗鱼涌。」
张颕康着住校服去签约。（资料图片）
拍《老鼠爱上猫》刘德华亲自教做戏 刘德华虽然是大忙人，但仍抽空培训旗下艺人，「有一次拍《老鼠爱上猫》，其实唔系咁多戏，做啲王朝马汉、张龙赵虎，其中一个跟住佢，中间有场戏系打功夫。夜晚返到去酒店房，隔篱动咁样，食完饭佢都会指导返我，其实你应该要点做。」
张颕康指：「我见啲访问成日见到佢话自己好大脾气，其实我未见过佢发脾气，我从来都未见过，我都冇感受过佢恶。」一次刘德华新年派是，张颕康与林家栋、邓肇欣试探刘德华记性，「翻Round」攞完又攞，张颕康笑言：「攞第二封𠮶时佢个眼神系：『你好似攞过㗎啦㖞，你又攞？』但佢就冇嘢嘅，照畀你。但第二封就就梗系冇攞到啦，我哋玩完就算啦，试吓佢记唔记得啫！」
刘德华过年派利是。（TVB截图）
刘德华过年派利是。（TVB截图）
补贴到正式签约TVB 「我从来未见过刘德华发脾气。」张颕康对刘德华极广阔胸襟记忆犹新，人工亦「绝对够使」。工作一段日子后，张颕康有见林家栋、连伟健均从TVB出身，生起入艺训班念头，而刘德华亦十足支持，一口答应补贴张颕康直至正式签约TVB，「半年嘅训练班时间，补贴到你够晒生活。」
梅小青唔清楚「刘德华契仔」之名虽然在训练班不少得闲言碎语，似乎有「刘华光环」的张颕康不免被指有后台，相信最快受力捧、最快接戏的毕业生。张颕康笑言：「事实证明咗，大家咪又系做喺后面做临时演员行来行去， 行咗好多年先有啲对白讲吓。」张颕康想起一件趣事，「我听返嚟，话小青姐（梅小青）揾我做戏，佢话：「咦，佢好似系帮刘德华配音㗎㖞！」」对被指在TVB受优待，张颕康笑指：「绝对冇呢件事。」
刘德华是张颕康最大贵人。（IG图片）
「刘华光环」为「一世的压力」 张颕康坦言「刘华光环」是「一世都会有压力」，故尽量谨言慎行，生怕「影衰」刘德华，「一行差踏错，就会令华哥个名有蒙羞。」接下来的故事大家都熟悉，张颕康一路打拼攀上主演位置，一共两次夺得「飞跃进步男艺员」，刘德华亦拍片恭喜，张颕康在台上公开多谢刘德华，「我敢讲，我做演员，某程度上都系因为佢嘅教导出嚟。佢唔系捉你嚟教，而系身教，同佢一齐做嘢，喺公司见到一位咁嘅老细，你都唔会行差踏错。」
张颕康夺过两次「飞跃」。（TVB截图）
酒吧被落药卷伤人案险留案底 然而人不轻狂枉少年，张颕康不介意大爆「瘀事」，一次因被落迷药卷伤人案，险留案底，张颕康估计，应该是被落了「打咗人都唔知嘅药」，他忆述：「有人同我讲：『你系咪华仔签咗𠮶知个演员？一齐饮杯嘢啦！』饮完已经冇咗意识啦。第二日警局打嚟问：『你系咪TVB嘅张颕康呀？』我话系。佢话：『有人投诉TVB嘅张颕康琴晚打佢㖞！』我好记得，同佢饮之前都清醒嘅。」
麦雅致帮张颕康找法援。（IG图片）
张颕康原以「烂命一条」心态面对，惟麦雅致不肯罢休，「佢话：『点解会有坛咁嘅嘢㗎？唔得，你同我一齐去法援啦，你唔可以有案底，会跟你一世。』我话：『我冇钱搞咁多嘢㖞！』咁佢即刻帮我揾律师，当然都要一笔钱啦，帮我处理咗呢件事。」幸而最后双方和解收场。经历过留案底的危机后，张颕康承认三年内要娶麦雅致为妻，虽然最后用了四年，但张颕康坚持「非麦雅致不娶」，兑现了承诺。
麦雅致是张颕康最大后盾。（IG图片）