【A&M Diary】平时有外国朋友嚟香港玩或者放工想买啲嘢食吓，我都好钟意督番串烧卖或者鱼蛋。其实港式小食真系好味又多选择，唔知大家又对边款扫街嘢食情有独钟呢？今日我哋路过九龙城嘅味龙BBQ美食坊，本身谂住督串小食，但见到老板娘整紧串烧，烧得香喷喷，就系咁，我哋就就坐低开餐。
蒸烧卖、咖哩鱼蛋
作为小食店，又点少得烧卖同鱼蛋呢？鱼蛋有辣有唔辣，任君选择。鱼蛋无想像中咁辣，但就好入味。而烧卖嘅鱼蓉味好香，唔似出面有啲成粒擦胶咁。
煎酿三宝
非官方统计，除咗鱼蛋同烧卖，最受大家欢迎嘅仲有煎酿三宝！而煎酿三宝醯当中，又以炸鱼蛋最受欢迎，当然仲有红肠、茄子、西椒同荳腐啦！老板娘话为咗大家食得健康啲，唔用千年油，所以炸出嚟嘅煎酿三宝，炸到金黄色，好吸引。
