【Viu】林峰、胡子彤、German张文杰今日出席新片《九龙城寨之围城》明星好友场，朱鉴然送上蛋糕贺老友子彤32岁生日。吴卓羲、杨茜尧、林夏薇、苗侨伟同太太戚美珍、黄浩然同张之亮导演等专诚捧场，卓羲仲为阿峰「破处派心」，除眼镜时仲被「Chok峰」封为「吴Chok羲」，喺场内仲同曾传绯闻嘅菊梓乔相隔几行。
林峰、子彤同German笑认喺新片打出兄弟情，连带刘俊谦可以组成「Kowloon 4」，有意出歌咁话，期待呀！打到周身伤嘅阿峰，自爆有返屋企卖惨呃阿女氹返，太太都唔敢睇呢套激烈打戏；子彤仲伤到下巴要缝十几针，Respect呀！
至于卓羲笑言因为冇嘢捞而嚟撑场；茜尧就话推Job都要嚟；堂妹薇薇就话最想睇阿峰畀人打。咦，阿峰同卓羲Friend到咁，几时再合作拍露股戏呢？听吓佢哋亲身解说啦，保证笑Cry！