【Viu】Kay谢安琪今日以嘉宾身份现身银行活动，大谈子女去外国升学资讯。佢坦言虽然送小朋友去外国读书会好唔舍得，但都有为一对仔女储钱，而喺呢个moment就好firm今年17岁嘅张瞻之后会出国读运动科学！
至于讲到Kakaball，Kay笑老公「张先生」采取特别政策，喊住「恐吓」个囡要留喺佢身边，例如扬言未读到大学都唔好谂拍拖，Kay听到都即刻擘大对眼，咁唔知Kakaball又有咩反应？Kay仲爆呢对父女私下嘅甜蜜互动，甜度不亚于平时阿聪冧爆老婆，身为「正印」嘅Kay又有冇呷醋？
讲返金像奖，Kay话个气氛越嚟越好，可以入围争影后就已经好自豪、光荣！又抵死讲到当日身边长期有个「男神」张生好似贴身膏药咁黐到实，所以一眼都冇望过其他男神！而主演《4拍4家族》获颁「最佳原创电影音乐」，Kay话迟啲会再食饭庆祝！快啲揿入嚟睇足本访问！