梁思浩今日（23/4）以代言人身份现身圆方出席《先知命局》命理应用程式发布会。对于八九十年代红极一时的命理大师「铁板神算」董慕节昨日传出逝世消息，享寿101岁。梁恩浩接受《香港01》访问时表示：「好耐之前，因为佢同沾叔（黄沾）好熟嘅关系，我有幸见过佢。而当时佢写咗4句字畀我，而呢4句字连麦玲玲师傅睇过都话佢好犀利。因为佢能够知道你个局，佢就会叫你小心啲咩人，而其他𠮶3句我就唔讲，因为怕得罪人。」
梁思浩担任命理应用程式代言人。（刘智源摄）
思浩续说：「而其中一句系我一生里最谨记，就系佢叫我留意姓氏有十笔划嘅女性，叫我千祈唔好有任何接触。我谂喺我人生最低潮嘅时候，我系遇到姓氏有十划嘅女性，我就唔开名，留返畀大家去估。（佢收费系咪好贵？）我谂当时你畀几多钱佢都未必会帮你开笔，佢当时佢畀面黄沾，先赠咗我4句字。我知道香港好多有钱人都揾佢，你要佢开支笔，你冇60万至80万，佢系唔会帮你开笔写。咁所以令我终身受用，就好似16年嘅时候，我将香港所有铺头买晒套现，原因系我知自己嘅命格。随后几年又撞正疫情，好在提早放弃晒所有，如果唔系可能争落周身债。」
梁思浩见过董慕节大师。（刘智源摄）