【viu】电影《九龙城寨之围城》今晚举行慈善首映礼，影坛「大哥大」洪金宝率领一众演员，古天乐、任贤齐、林峰、刘俊谦、胡子彤、German张文杰、黄德斌、伍允龙、Cecilia蔡思韵、张松枝、乔靖夫现身！席间更首度揭晓戏中隐藏角色，就系郭富城，全场即刻起哄！
洪金宝指今次过足戏瘾，又大赞「九龙城寨」场景还原度超逼真！问到边位演员嘅演出最惊艳到佢？大哥大笑指系古天乐！而古天乐就点名Cecilia最打得，事关有场戏系被Cecilia掌掴，笑话应该打咗超过100巴，打到块面都有掌印，最后要冰敷成晚先散到红！
讲到小齐为电影牺牲剃光头，动刀𠮶个正正就系导演郑保瑞！小齐搞笑话迟啲同瑞导剃头「报仇」！古天乐近日喺网台节目接受惩罚着泳裤，谢票𠮶阵会唔会再着派福利先？系咪好想知佢点答呢！大哥大又自爆呢个moment最想拍爱情床上戏，有咩对手人选？
「Kowloon 4」林峰、刘俊谦、胡子彤、German聚埋一齐就笑料百出！林峰指同「爸爸」城城冇对手戏，亦对冇得同大哥大对打觉得可惜，所以劲羡慕German可以畀大哥大兜头打咗两拳咁话！German笑称𠮶两拳系毕生中，未试过被打都咁温柔！啱啱喺台湾飞番嚟出席首映嘅刘俊谦，因之前优先场缺席而认衰仔兼向3位兄弟献吻「赔罪」！提到女友Cecilia掌掴古天乐，佢笑话一早知佢咁大力，咁清楚⋯莫非刘俊谦之前都试过被打？即刻去片睇足本访问片！