【viu】组合虎牙今日出活动唱歌仔畀fans听，咁啱阿正同梁子都唔系咁舒服，笑认要「卖萌」演出！啱啱喺欧洲返港嘅阿正大吐苦水，自爆喺旅程期间识唔到仔仔不突止，更因为水土不服唔舒服咗几日，扁嘴话戴住冷帽匿喺被窦入面休息呀阴功！阿正仲话出发前已学定「我爱你」嘅德文，咁顺住个势改变策略叫room service睇吓有冇小鲜肉照顾自己，点知两次开门都令佢O晒嘴，散发唔到佢嘅东方魅力！
不过旅程令佢更确立「亚洲小天后」之地位，伤心自称喺外国「揾唔到食」，又搞笑指下次唔再揾「家姐」Hillary做旅伴，以免被抢仔仔之余，唔忿气点解用同一个pose影相会有两个咁悬殊嘅感觉！而为咗安慰阿正嘅梁子，不惜自爆3分钟嘅艳遇史够晒雷，更笑嘲呢个艳遇经历应该系史上最短！想知阿正更多旅行趣事？去荷兰有冇揾Jeffrey个靓仔哥哥？睇足本访问小心笑爆肚！