【viu】Lyman香胤宅个人舞蹈剧场《Unspoken》，头场今晚喺寿臣剧院上演！主角Lyman完骚后孖Rosa韦罗莎、German张铭耀喺后台现身，Lyman受访笑话紧张过参加《全民造星V》，不过完咗第一场个心情都有放松少少！
佢自爆演出期间甩咪好虾碌，又估唔到自己咁大汗跳到全身湿晒，啲汗仲要滴埋落地下，至于系咪由内湿到外，Lyman怕丑话keep secret啦！对于头场表演，Lyman自评60分，希望喺余吓嘅11场会愈嚟愈进步！佢搞笑自嘲喊样好丑怪，所以尽量都唔畀自己喊，但唯独有一幕每次演出都会被感动到眼湿湿！
呢次演出Lyman劲晒结实麒麟臂，可以keep到副偈咁正，香太Zoe真系功不可没！事关Zoe日日都会准备爱心饭盒，Lyman大赞沙律、鸡胸超好味，仲提早request尾场嘅comfort food！Lyman亦好多谢老婆帮佢补中文、改善佢嘅懒音，唔知呢位学生用咩方法嚟交学费呢？但就先见到呢位索爆补习老师献吻以作鼓励！另外，《造星V》buddy嚟力捧Lyman系咪爆感动？为咗公主抱宝姐操fit body？揿入足本访问睇Lyman点讲啦！