【Viu】Sica何洛瑶、Billy Choi、女团乙女新梦今日为躺平大赛担任嘉宾，Sica一嚟就不失大癫性格，话唔钟意太平，只希望凸，是咪暗示身材？而Billy就自夸系真正嘅躺平之星，试过连瞓16个钟，只起身屙咗笃晏昼尿㖞，笑C！二人又希望可一齐上《CHILL CLUB》Jam吓歌。

而Yan Ting周殷廷身为大会「躺平之星」，佢话都想挑机参赛者，仲有信心赢添！讲到5月嘅处男演唱会，练到一身肌肉嘅佢就好肯定宣布「唔会出卖肉体除衫」，Fans会唔会有啲失望？

独立歌手何佩都有入围比赛，但最后得第七名，无缘角逐冠军赢$5000现金奖同欧洲来回机票。何佩话有啲失望，唔可以帮补30号出新歌嘅资金。