【viu】动作电影《九龙城寨之围城》截至㖊日上映短短4日，票房已破1,500万，真系威猪！而㖊日林峰、胡子彤、伍允龙、张文杰等团队都冒红雨谢票，喺其中一场竟然有花生食㖞！
事缘伍允龙同一名大叔观众示范咩系寸劲，点知大叔等伍允龙面向观众讲紧嘢时，就忽然偷袭踢伍允龙一脚，然后再转身起飞脚补多飞攻击伍下身。隔咗一阵，大叔同伍允龙握手期间，再忽然用上半身加右边膊头嘅力推伍允龙落地。但真系要俾Like伍允龙，佢施施然起返身仲笑笑口自嘲：「我真系唔识气功㗎㖞！」
事后伍允龙大方回应：「我冇事，只系冇防备俾人推低咗！明白呢位观众睇得太投入，以为我真系王九，今次演技真系有突破。」真汉子呀！另外电影公司亦发放未曝光嘅剧照，包括廖子妤饰演嘅鱼档女工、引发九龙城寨大战嘅蔡思韵，仲有俾面具四子打到飞起嘅「肆毒警」朱栢康，快啲入嚟睇现场实况片啦！