【viu】Anson Lo今日以「粉红教主」Look现身活动，吸引神徒迫爆4层商场，场面墟冚！教主直言系主题乐园卡通人物嘅Super Fans，细个成日同教父一齐玩匀全园嘅机动游戏，但就笑指家中珍藏嘅公仔多过爱牌嘅「橙色盒仔」喇！
讲到教主喺新加坡开骚返港时，承诺会开「宵夜Live」，佢强调日内会找数，仲分享渌杯面嘅秘诀，甚至扬言要将「煎冬瓜」成为教主名菜，哗！有料㖞！
对于Edan搞笑踢爆佢嘅鼻鼾系MIRROR三甲，教主就唔止认第二喇，直头系Top 1咁话，又笑指只有一位队友可以同自己匹敌，笑Cry呀！
此外，教主畅谈6月初MIRO见面会有咩惊喜，咦？会唔会拎啲「橙色盒仔」出嚟抽奖呢？佢亦回应九展将于6月底拆卸嘅感受，咁到时MIRROR会变成「xx天团」呢？呢个访问资讯量咁澎湃，唔睇就走宝喇！