【viu】泰国Rap界天王F.Hero、ERROR成员193、保锜、P1X3L、Tyson Yoshi、韩团XODIAC香港成员Leo同Sing、胡子彤等今日喺启德出席潮牌活动，193同保锜自认系「九龙湾帽王」，拥有过百顶帽，仲论尽个头「时大时细」、「时软时硬」，又推举另一成员系「ERROR绿帽王」，相信各位404一估即中㗎喇！
至于P1X3L就话5月尾九展骚准备得如火如荼，每日排练6粒钟以上，Marco仔仲话冇晒杂念添呀！除咗练舞，3子都有操肌，至于会唔会骚肌呢？佢哋就答得好盏鬼喇！
而喺6月底首战沙滩骚嘅Tyson，直言唔会晒巨肌，咦？咁有冇预计会收到海量比坚尼掟上台呢？TY个反应真系要一睇再睇呀！
此外，Leo同Sing好开心返港出席活动，最挂住屋企人同Fans，仲要狂食住家饭补数。讲到下个月XODIAC会喺香港开Fans meeting，佢哋预告有可能唱广东歌，仲自爆最爱陈奕迅，经常唱畀韩国队友听！