【VIU】Kay谢安琪今日以2010年杰青身份，出席「十大杰出青年选举2024」活动，佢身穿小deep V嘅连身白长裙，既性感又散发满满嘅仙气！讲到女神又fit咗，佢冧笑话系「爱的见证」！事关老公张继聪近排为新电影角色再操弗，Kay初头见到张先生每日都咁努力做运动，有肉赤嘅感觉，其后更决定做跟得夫人一齐操，暂时两公婆分别都瘦咗10磅，掂呀！
张先生早前出post自夸减磅后可以着返旧时啲牛仔裤，点知一山还有一高！Kay唔抵得张先生咁嚣张，自爆依家着得落中学条牛仔裤，睇嚟呢场battle暂时系女神Kay胜出㖞！虽然赢咗场仗，但绝对冇影响头家，Kay怕丑话见到老公副靓偈，都忍唔住心心眼，仲大声示爱：「爱佢多咗！」超肉麻呀！
不过谈及有网民见张继聪晒爆肌相后留言，抨击佢应该低调行事，唔应该分享过多，及后张继聪平静反问：「咁我应该分享啲咩呢？」Kay就事件代老公回应，指佢哋好尊重每位网民，亦话张先生好钟意同网民互动，系有益身心咁话！另外，欧倩怡、郭晋安近日宣布离婚，欧倩怡相约Kay high tea，Kay指对方心情ok！喺访问入面，Kay仲预告今年大计，几时出歌？会唔会培育Kakaball做接班人攞杰青？访问有得睇啦！