【viu】日本女子舞蹈团Avantgardey嘅其中6位成员Seira、Nona、Sono、Pani、Nagano、Kohana快闪香港，今日去到商场同fans见面兼举办签名会，更即场跳《今期流行》、《打雀英雄传》炒热现场气氛！
Avantgardey表示好开心见到咁多fans嚟现场，比起平时17个齐人出骚，得番6位成员演出系紧张啲！讲到佢哋拣《今期流行》、《打雀英雄传》表演，Avantgardey指知道呢两首歌好受香港人欢迎，又笑话《今期流行》入面个拜神pose好funny！希望7月嘅亚博骚可以邀请到主唱古天乐嚟睇骚，甚至想请佢上台戴冬菇头假发一齐跳添！唔知古生又应唔应承呢？
6位成员仲话想会一会「星爷」周星驰，自爆其实佢哋跳舞𠮶阵表情多多系受星爷影响，嚟紧有意cover星爷电影入面𠮶啲经典场口、主题曲！提起Sica曾cosplay佢哋跳《打雀英雄传》，成员Seira话睇到好开心呀！