【A&M Diary】一年一度嘅生日饭就梗系要食得尽兴啦，所以唔少人都钟意食放题同自助餐庆祝生日！我哋就为大家整理咗全港10间气氛唔错嘅生日餐厅，推介任食点心、海鲜火锅、日韩放题同酒店自助餐俾大家，依家预订仲有唔少优惠，一齐为下个生日嘅朋友带嚟美食小惊喜啦！
生日餐厅推介2024年6月| 酒店自助餐 | 1. 马哥孛罗香港酒店马哥孛罗咖啡厅
地址：香港马哥孛罗香港酒店1楼
生日餐厅推介2024年6月 | 酒店自助餐 | 嚟马哥孛罗咖啡厅叹生日自助餐，最大卖点当然系海鲜冷盘，选择有龙虾、翡翠螺、青口、冻虾，当然仲有即开即食嘅生蚝啦！另外，刺身选择就有吞拿鱼、油甘鱼、八爪鱼、鲍片同三文鱼；热荤方面都有焗蚝、蒜蓉粉丝蒸蛏、蒸鱼、羊架同肉眼等，绝对适合钟意食海鲜嘅生日朋友。
生日餐厅推介2024年6月 | 酒店自助餐 | 2. 港威酒店 Three on Canton
地址：尖沙咀广东道13号海港城港威酒店3楼
生日餐厅推介2024年6月 | 酒店自助餐 | 港威酒店 Three on Canton嘅自助餐食物种类选择多，而且选择充满惊喜，冷盘海鲜有龙虾钳、鳕场蟹脚、冻虾、翡翠螺、小龙虾，首推当然系大大只嘅龙虾钳，龙虾钳劲多肉，而且肉质非常鲜甜！另外，每款食材下都有写上原产地，食得非常放心。至于刺身就有三文鱼、八爪鱼、北寄贝同玉子，真系超丰富！
生日餐厅推介2024年6月 | 酒店自助餐 | 3. 逸东酒店普庆餐厅
地址：九龙弥敦道380号香港逸东酒店B1楼层
生日餐厅推介2024年6月 | 酒店自助餐 | 逸东酒店普庆餐厅嘅自助餐以款式多，攞野食嘅范围超级大取胜，甚至有人叫呢个自助餐为港版自助山！普庆餐厅亦提供生蚝任食， 生蚝算肥美，海水味浓，加少少柠檬汁吊一吊味，就够喇。除咗生蚝，回本位又点少得海鲜盘呢？呢度提供长脚蟹、青口、螺同虾，鲜味十足。我就最钟意长脚蟹，蟹味香浓又劲多肉！另外，冻虾鲜甜又弹牙呀！
生日餐厅推介2024年6月 | 酒店自助餐 | 4. 香港海洋公园万豪酒店海湾餐厅
地址：黄竹坑道180号香港海洋公园万豪酒店
海湾地下生日餐厅推介2024年6月 | 酒店自助餐 | 食buffet嘅回本位点少得海鲜冷盘呢？呢度有珍宝蟹、波士顿龙虾、雪场蟹蟹脚、海虾、翡翠螺、东风螺、蚬同蓝壳青口等等。海鲜啖啖肉，新鲜无雪味，食几只波士顿龙虾都够晒回本喇。
生日餐厅推介2024年6月 | 酒店自助餐 | 5. 历山酒店历山餐厅
地址：香港北角城市花园道32号歴山酒店历山餐厅
生日餐厅推介2024年6月 | 酒店自助餐 | 海鲜冷盘方面，有海螺、冻熟虾、纽西兰熟青口同蟹脚。特别钟意劲多肉又鲜甜嘅长脚蟹，仲带有淡淡嘅海水味，非常新鲜吸引。生蚝即叫即开， 够晒新鲜，size虽然唔系大大只，但细细只反而仲鲜甜，蚝身够晒饱满，海水味浓，好creamy！
生日餐厅推介2024年6月 | 酒店自助餐 | 6. 荃湾西如心酒店Café Circles
地址：香港荃湾杨屋道8号荃湾西如心酒店9楼
生日餐厅推介2024年6月 | 酒店自助餐 | 荃湾西如心酒店嘅Café Circles最大卖点就系物超所值！海鲜冷盘选择有长脚蟹蟹脚、螺、青口、虾同小龙虾等，全部都好新鲜，仲带有淡淡嘅海水味。刺身除咗常见嘅三文鱼、吞拿鱼，希灵鱼、北寄贝之外，仲有我最钟意嘅甜虾！另外，酒店不定期都会更新自助餐主题，好似之前嘅日式同味游意大利主题！
