【Viu】电影《九龙城寨之围城》「陈占一家」，包括爸爸Aaron郭富城、妈妈Cecilia蔡思韵、囝囝林峰，今日合体谢票，佢哋异口同声话系「一家团聚」，Cecilia搞笑话戏中手抱嘅「囝囝」林峰，转眼间变成「巨婴」，都有啲诧异！
电影早前宣布会有三个章节，日后会开拍前传同终章，城城话有同电影公司倾过吓前传「龙头」，据知依家就收紧剧本，系咪会有同Cecilia嘅谈情戏？重提Cecilia戏中掌掴「龙卷风」古天乐被笑指系全片最打得之人，城城抵死笑话一早预咗被掴，不打不相识嘛！
票房最新数字冲破9,500万，依家播映版本系新加4分钟彩蛋，佢哋都话未睇过，但城城预告有佢同古天乐蒙眼厮杀片段！适逢父亲节将近，呢「一家三口」话顺道庆祝父亲节，「囝囝」林峰对「爸B」城城有咩表示？跳出《城寨》，城城又点同屋企嘅大宝、二宝过？林峰又几耐冇见过身在上海嘅宝贝囡？另外，城城日前公布8月开红馆个唱，会邀请「囝囝」林峰做嘉宾上台一齐Let’s get wet？想知就去片睇足本访问啦！
相关内容