【A&M Diary】屋邨系香港最有人情味嘅地方，喺街市寻宝揾食，分分钟会有惊喜呢！好似嚟到黄大仙竹园邨，如果撞啱沪状元嘅生煎包新鲜出炉，一定会忍唔住买番两只叹吓呢！而今日一于买多几款，返屋企同M佬开心share！
状元生煎包、状元小笼包、招牌锅贴
新鲜出炉生煎包非常香脆，生煎包热辣辣，咬开生煎包之后，入面嘅肉汁就会爆晒出嚟，好滋味；小笼包皮嘅皮非常薄，可以睇到嘅汤汁呢，汤汁浓郁唔油，食嘅时候完全冇负担；锅贴大大只，煎到微㶶，带有焦香味，入面嘅猪肉馅料同样充满汤汁，同样惊喜。
状元酸辣汤
酸辣汤有荀丝、木耳丝等材料，汤底唔会太杰，非常幼滑，至于酸辣比例啱啱好，非常开胃。
葱油拌面
明明系拌面，但老板细心送多碗汤，原因系外卖葱油拌面拎到返屋企之后，啲面条有机会痴实咗，到时就可以加少少汤整番松啲面，估唔到街市小店都咁贴心呢！葱油够晒香，挂上每条面。
